劉嘉玲演17場舞台劇保持緊張：一鬆我會出錯

劉嘉玲、謝君豪和秦沛主演的舞台劇《奪命証人》已演出了12場，獲不少圈中藝人捧場，當中包括黃秋生、葉德嫻、佘詩曼、楊千嬅、古巨基、容祖兒、周慧敏等。秋生大讚嘉玲、秦沛氣場宏大，一出場已經氣壓整個舞台，演出非常精彩，又謂一直希望與嘉玲合作演舞台劇，兩人已經傾過，但大家一直忙，希望可以在兩年內成事。葉德嫻不單大讚舞台劇好睇，於後台更與多年老拍檔秦沛喜相逢，秦沛搞笑問葉德嫻：「究竟你大定係我大，我係咪叫你姐姐？」

上周六演第12場，《奪命証人》一班演員及台前幕後工作人員，就於開場前搞小慶功，為未來5場演出打氣。劉嘉玲坦言沒想到時間過得這樣快，想到還有5場就完結，開始有點依依不捨，「我都冇數日子，咁就12場，仲有5次機會上台演呢個戲，我其實到今日都仲係緊張，仲係冇放鬆。我係咁㗎，我唔會放過自己，唔會話愈演愈熟愈鬆，一鬆我就會出錯㗎啦，所以我條橡筋已經拉到行一行，到最後20號個場完咗啦，我先會真正放低囉。」

演這舞台劇，劉嘉玲感言十分開心，每日她一早醒來就去跑山做運動，然後就返回演藝學院的大家庭中。「我跑山一個人靜靜，仲會喺個腦重複又重複背台詞，不知幾好。有運動個人精神集中力更高。」她又多謝秋生捧場：「我都好想同佢合作一齊做舞台劇，講咗幾次㗎啦，睇吓大家未來係咪真係夾到個時間，佢都係大忙人。」

今次舞台上，劉嘉玲一人分析兩角壓力不少，大變身要讓觀眾分清不同角色，無論外在內在都要即時轉變。服裝上她就要在舞台後面即場換衫，為此美術指導張叔平特別為嘉玲特製打底內衣，免她不用全裸後台換衫擔心走光。劉嘉玲就表示最初頭幾日好趕，不過經過連日來訓練後已經相當熟手，「我已經快到可以有時飲杯水先出台呀。」