森美爆囡囡愛買筆袋：諗起老婆啲手袋

森美出席「時光倒流打工仔」活動，談到教導小朋友理財觀念，他笑指發現人接觸錢就會變得計較，應該趁小朋友未接觸前教導正確觀念，更認為最重要是知道物件的價值。他說：「好多小朋友只知道好貴幾多錢？只著重幾錢，無睇價值，慢慢大個只會貪錢。如果教導佢知道物件價值就唔同，知道會有乜損失，就唔會以錢行先，再長大知道錢點去用。」

森美憶述兒時住公屋好窮，當時爸爸安排他讀寄宿學校，好多同學的爸爸駕駛名車，他的爸爸則駕駛的士，後來知道錢多與少的分別，認為小朋友應該知道一個人有錢或無錢也可以快樂。談到子女的理財觀念，他笑言口講似好叻，其實子女會選擇買喜愛的東西，笑謂女兒鍾愛買筆袋，令他想起太太的手袋。他說：「我同個女講有需要先買，佢真係講到每個筆袋的需要。」