李蘊湊夠好字 順產誕7磅重囝囝

27歲的李蘊（Renee）與內地金融才俊老公羅冠章育有一女，今年3月宣佈佗第2胎，開心湊成「好」字。今日Renee在社交平台上載抱B仔相，表示大前日（8號）順產誕下7磅重囝囝，恭喜晒。

Renee留言：「不過今次只係痛咗3個幾鐘就生咗，雖然覺得痛過第一胎，但時間短好多，細佬真係錫住媽咪。多謝老公陪產期間一直幫我加油同鼓勵我，仲幫我按摩舒緩痛楚。生完第二日個傷口已經唔痛，因為幾乎無傷口。我哋已經返咗屋企休息啦！再次開啟母乳媽媽模式，多謝大家關心」。