港媽扮大肚安檢打尖 被指教壞小朋友

出外旅遊在機場安檢是指定動作，但遇上電腦壞機就要靠手人檢查。網上流傳一名港媽在日本關西機場，遇上電腦故障，需以人手安檢，稱有約3000人排隊輪候，其後她稱「扮大肚」取優先快證安檢「打尖」，並上載Facebook分享，行徑引起網民討論。

網民Alfred Law在Facebook專頁「PLAY HARD 玩硬」轉載該名媽媽的貼文，該名媽媽指，當時在關西機場準備安檢，但遇上電腦故障，外面有約3000人排隊，更稱完全無誇大，其後指「我當然用女人最好嘅一個招數，扮大肚攞priorty pass，又俾我過到骨。」她被地勤人員詢問有多少個月身孕，她回答有三個月。

該名媽媽續指：「之後佢起身望一望我個肚，好彩我未減肥咋，仲有個肚腩仔凸凸哋，之後阿女真係以為我有咗bb，不停咁問我係咪真。」她又在Hashtag指，為了女兒等少兩個鐘要講大話，即使有快證檢查仍要等35分鐘，又稱「突然間覺得我肥得好可愛好有用。」

網民看完貼文都議論紛紛，「完全解釋到人無恥便無敵點解，其實無話啱唔啱嘅，睇你做唔做得出咁肉酸嘅嘢」、「咁樣攞著數?仲喺個女面前?仲要post出嚟？衰過大媽啦」。