【男神昏迷】蔡一傑叫Dickson仔快啲醒 方力申拍片喊加油

28歲無綫藝員余德丞（Dickson）昨晚踢波期間不適，出場休息時昏迷被送往瑪麗醫院，現正留院深切治療部（ICU）。
自凌晨時份爆出Dickson昏迷送院後，已有網民到其社交平台為他打氣加油！一眾藝人唐詩詠、袁偉豪、張寶兒、胡定欣、陳煒、姜皓文、黃翠如、蔡一傑等發文祝福，其中蔡一傑留言：「Dickson仔你要快啲醒返呀！大家都好擔心你、加油呀！撐你呀」；方力申更一大朝早自拍片段給香港游泳代表師弟的Dickson打氣，說：「今朝睇到新聞，希望依家喺醫院嘅余德丞，同樣都係游水仔，希望你可以大步檻過，早日康復，加油！」

跟Dickson同是足球隊友的NowTV體育新聞記者郭灝然於臉書（FB）留言：「一早起身睇FB見個個叫頂住，嚇到標咗一身冷汗，睇報道update先知醒返暫時無事，希望真係無事啦。BTW上次同佢踢記協盃，佢已經突然嗌唔掂要換岀，近期天氣又熱又翳焗，夜晚都有成29度，大家踢波一有唔妥真係唔好死頂，一定要岀場抖抖」。