與盧凱彤同期出道 關心妍聞死訊感愕然：一直欣賞她的音樂

盧凱彤（Ellen）今晨於跑馬地墮樓身亡，與Ellen於2002年同期出道的關心妍（Jade）出席活動時，得知對方離世消息表現愕然。她說：「我們是同一年的新人，一直很欣賞她的音樂，聽到呢個消息好突然，真係無諗過！我知道之前她有抑鬱症，尤其我哋呢個圈經歷好多不同的事，抑鬱好多時不由自主，所以有抑鬱的人要醫，亦要留意身邊的人，有少少異樣要畀多少少關懷，如果朋友突然喺wechat唔見咗，叫佢又唔出嚟。但依然唔知Ellen咩原因，如果係抑鬱的時候真係可大可少。」

成立「妍亮生命慈善基金」的Jade近年關注情緒問題，亦有朋友情緒病康復後，最終也離開。她認為情緒病不是一般的病，情感上易受觸動，所以康復期間也要多留意。她說：「要多啲分享，希望她靈魂Rest and Peace。」