維港會:幫手賣旗大汗疊細汗 蝦頭吸金力特強

失明人協進會今早喺港島區賣旗，雖然暑假招募義工賣旗唔容易，不過多得一班有心嘅藝人幫忙呼籲，包括王苑之、森美、小儀、Zpecial, supper moment等等，結果都可以搵到數百名義工幫手。
除咗一班熱心義工，今日蝦頭同邵子風更專情嚟撐場，兩位喺太古站賣足個幾鐘，大汗疊細汗，都毫無怨言，仲好落力大聲呼籲途人支持香港失明人協進會。蝦頭好「吸金」，不少人認出佢即慷慨解囊。　
失明人協進會今次與卡通「癲噹」合作，設計一套6款「癲噹」特別版金旗，吸引唔少市民捐款認捐金旗。