【下次再玩過】阿Sa衝浪撞傷額角縫針：見紅好嘢

潮流興玩Wakesurf，愛曬太陽的蔡卓妍（阿Sa）似乎都受好友何超蓮、吳千語的影響，出海同陽光玩遊戲，騷腿玩Wakesurf。阿Sa在社交平台上載短片露英姿，由蹲在滑水板到慢慢企起身及單手拉扶手，緊張的阿Sa都不忘開心笑住向鏡頭揮手，可惜維持單手Mode幾秒就跌落水，更不小心撞傷額角要縫針。

阿Sa留言自嘲：「第二次wakesurfing終於滑到超過2秒，不過之後就....#慶祝入行18年 #見紅 #好嘢 係咪即係繼續 #大紫大紅 其實#每樣運動都一定有唔同程度嘅危險 #唯有玩得小心啲囉 仲有#所有fans嘅祝福 #我都收到晒 #多謝你哋❤」。藝人朋友及粉絲都留言慰問，樂天的阿Sa回應丁子高稱：「縫咗針冇事喇，下次一齊玩」。