維港會：天文台惡搞古天樂 「紫外妹妹」大跳拜神舞抽水

歌手容祖兒早前邀來好友古天樂，齊為電器連鎖店拍攝新一輯電視廣告的網上別注版MV，與一班女舞蹈員唱跳《今期流行》改編版。經典的「拜神舞」再現隨即引發網民熱論，連天文台都抽水，在Facebook專頁惡搞「拜神舞」。

天文台Facebook專頁昨日發帖，以天氣家族中的「紫外妹妹」為主角，學古天樂大跳「拜神舞」，更留言稱「今期流行仲唔係本妹妹？近排天氣酷熱，加上紫外線橫行，戶外活動前記得去啱啱變咗身嘅天文台紫外線資訊網頁睇睇先，入面有齊即時紫外線指數、曝曬級數、實時UV觀測，仲有防曬小貼士」。

帖文更hashtag「#本妹妹跳得好唔好先」、「#但都好想睇元祖再跳一次」、「#竟然無跳傷害我感情」，似乎對元祖古天樂未有在MV內真正跳《今期流行》的舞步感到不滿足。

不少網民留言讚好，有人笑稱「我鍾意紫外妹妹跳多啲」、「天文台小編越來越可愛，讚呀」、「可唔可以叫古仔回應粉絲訴求！嚴重傷害香港人感情！」、「紫外妹妹好可愛呀」。