維港會:林鄭與黃錦星Whatsapp對話曝光？原來係......
2018-07-28 21:48 
特首林鄭月娥同環境局局長黃錦星Whatsapp對話竟然意外流出？不過林鄭都好啖定，仲話「好彩我同黃局長都唔係講緊乜嘢秘密，係希望大家就住環保議題表達意見啫」。
原來呢段係模擬兩人Whatsapp對話，林鄭搵星星局長，點知被「大嘥鬼」亂入。「我係大嘥鬼！黃錦星局長行開咗，同我講都一樣啫，有咩可以幫到你」，林鄭開頭都唔係好信得過「大嘥鬼」，佢就話：「特首，我從咗良架喇！惜食減費個啲我都有做，最近興走塑，有無聽我首新歌啊？」之後仲播埋歌，十分搞笑。佢哋對答咗一輪後，原來係搞搞新意思，提大家將舉行施政報告公眾諮詢，希望市民可就著環保議題發表意見。
關鍵字
最新回應