阿嬌Keep靚樣順便搵銀年尾婚宴騷最佳狀態

2018-07-27 20:15

鍾欣潼（阿嬌）將於今年12月與賴弘國在香港擺酒，忙籌備婚禮同時，她力Keep靚樣兼為品牌拍廣告搵銀。阿嬌話：「好多時因為日夜癲倒嘅工作時間，皮膚根本冇時間休息，出去做嘢又受到日光傷害，毛孔同色斑問題即刻出現。」與品牌合作10年，阿嬌都覺好難得，「因為大家理念相同，喺多方面不斷鍛鍊先能夠優化同進步。」

此外，關智斌（Kenny）繼上年同品牌合作後，今年再度成為代言人。為拍廣告的Kenny在3個月前已經開始食營養餐單、做大量運動等，拍攝廣告有空檔時，Kenny就拎起帶去影樓的健身器材做運動。完成工作後，他第一時間走去食雪糕，「我等咗成日就係為咗呢個雪糕呀！我成個月冇食過甜嘢。」