陳豪為仔女忍痛放棄辣跑 放假一支公自認冇晒朋友
2018-07-25 19:49 
陳豪（Mo）及湯鎮業孖仔湯君慈、湯君耀出席名車活動，身為3子女之父的Mo駕駛7人車為主，他說：「曾幾何時我都揸過開篷車，感覺很free，我都很喜歡車，但有小孩之後都要忍痛割愛，買車亦以安全為主，做了爸爸不愛這些啦！」
放棄買辣跑的Mo覺得這不算犧牲， 因為他很享受家庭生活，太太陳茵媺早前帶仔女返加國探親令他「囉囉攣」。記者笑他一支公「獨守空房」，他謂：「瞓又唔瞓得多，睇電視又無咁多嘢睇，自己真為小孩而活。」記者建議他趁這段時間約朋友，他笑稱：「睡醒一擘大眼就去做gym。（不約朋友？）我現在無朋友㗎啦！」
另外，湯君慈及湯君耀齊受訪，大孖君慈剛在美國考獲車牌，但在香港未揸過車。細孖君耀自言曾駕車接載父母，問到不用接載女友嗎？他即說：「沒有呀！現在無女友，已經無拍拖一段時間。」
關鍵字
最新回應