阿聰被囡囡當公仔攬實 謝安琪爭寵：我係佢最鍾意嗰隻！

張繼聰(阿聰)的囡囡張靖(Karina)出世後，她就成為了阿聰社交網上的主角，就連網友都忍唔住封阿聰做「晒女狂魔」！近日「晒女狂魔」又出動啦，阿聰首先在社交網甫咗一張自拍照，相中他拎住兩隻得意公仔並留言話：「依排玩咩？陪妹妹玩毛公仔」之後他再上載一段Karina的短片，片中Karina跑去攬住爸爸，而阿聰就用強勁的臂膀抱著囡囡，父愛出晒嚟！阿聰話：「我就係佢最大果隻毛公仔」真係冧到暈，搞到他老婆謝安琪(Kay)都忍唔住留言宣示主權：「但係我係佢最鍾意嗰隻」一句說話就「秒殺」阿聰！