維港會：世盃決賽搵譚校長旁述 ViuTV吸嬲

世界盃四年一度盛事，昨晚終於到達高峰，上演法國對克羅地亞的決賽。今年由新免費電視台ViuTV轉播，收視創下佳績，不過昨晚決賽的卻惹來大量「嬲嬲」，原來問題出於旁述嘉賓譚詠麟身上。

不少網民走到ViuTV的社交媒體fb頁面留言，有人謂「上次曾志偉 今次譚詠倫 我以為睇緊tvb呀大佬」，又指譚校長的旁述業餘，還拿出英國旁述做例子，「BBC睇波真係好正，半場分析入球用科技嚟逐個位啲人走位防守企位都做講解分析，又影法國同克羅地亞當地入波球迷情況，里奧費甸南、奇連士文、舒利亞，講解！主持連尼加做得好好」。
有網民更在社交媒體facebook群組「PLAY HARD 玩硬」將譚校長的旁述製作列表，形容是「廢話一覽」，當中包括「呢場波真係好精彩」、「球員打呢啲大賽真係要好冷靜」、「時間一分一秒咁樣過去」。

不過在網上討論區連登，也有網民開帖讚ViuTV，有人讚「今年搞得算係咁」、「連tvb啲大星都要走過去」、「真心多謝viutv, 有好多免費場次」。