怒摑曾江夾份做戲？胡楓爆謝賢：成世都講大話

胡楓（修哥）和陳庭欣（Toby）出席活動，提到謝賢（四哥）大爆當年怒摑曾江一幕只是宣傳節目的技倆，修哥回應：「佢話係咪係囉！所以話傳媒將舊聞摷返出來。（四哥自爆？）話佢使擇日子呀！（四哥講大話？）我點知佢呀！成世都講大話，尤其對女人，但對我真誠嘅，最多都係呃餐茶飲。」

談到四哥指他當時飛甩眼鏡是專登整跌，修哥說：「副眼鏡仲響度，梗係好戲，好戲過佢。（覺得四哥玩大咗？）點知佢，佢講乜我聽唔到。」提到四哥回復單身兼經常獨自吃飯，他謂：「你話佢知，慢慢就習慣。」問到可會再集合四個小生拍節目？修哥表示是公司的事，不關他的事。

Toby與彩豐行老闆楊振源蜜運中，表示現時正常生活，過往經驗來講剛開始拍拖都會甜蜜，男友也很支持她的工作。她又指父母快將60歲大壽，希望秋季出外旅行慶祝，但不會帶男友同行，又指男友見過父母，不過沒有評價，更笑謂沒有評價即是無問題。