第三輯《宮心計》與馬明拍住上？心穎：佢唔想啦！

無綫劇集《宮深計2深宮計》今晚大結局，對於總監製梅小青計劃開拍續集，黃心穎笑言如開拍第三輯自己會無份，因劇中的她已去世。在旁的馬國明謂不會，更認為會以全新的故事。
談到梅小青讚他演得好，馬明謙稱歸功於編審，作為演員睇到劇本也感動到自己不會好難去演，全靠個劇本。他說：「如開第三輯找我會好開心再有份。」問到可想拍住心穎演出？心穎搭嘴說：「佢唔想啦！」馬國明則謂要等公司安排，但角色若芊同三恕的迴響好，下次睇下給予觀眾什麼，由總監製決定，但心穎可能跟另一男演員拍檔。心穎大讚迴響好，大家睇得投入更被追問劇情，亦有人問她跟馬國明演出可會更投入，但自己覺得不一定。