機場check in唔讓位被數臭 王賢誌：是非比飛機傳得仲快

王賢誌（Vinci）既是藝人也是東華三院主席，經常出外公幹的他，昨日才在臉書發文，留言：「回港不夠廿四小時，又再飛了…不知有誰會在鄭州及開封?? 」雖然忙，但自貼坐飛機張相仍好精神爽利。沒想一落機，Vinci就收到朋友給他一位小姐的發文。
該女生留言：「我46分鐘前才到counter，連在場負責排隊分流的職員都著急，催我快啲去check in行李，咁我見前面得一個男乘客排隊，咁我就即刻換『可憐樣』mode求佢畀我出去check in先，結果係唔㑹work的，佢直接話『我都好趕喎、我差唔多夠鐘』、『哎呀economy個條隊好似仲快啲』，點解佢唔會讓我？因為…佢係前TVB司儀／現為東華三院的，王賢誌。。。。。。Vinci Wong…（原來佢同阿媽一樣生日，都係天秤座，所以好厚粉）」。
Vinci則留言還原當時情況，說：「其實當時business class check in counter條隊只得兩個人排，我排第一，呢位小姐排第二…我自己亦確實幾趕，我飛鄭州班機係12:50起飛而我差不多12點先到機場…隔離econ class counter又完全冇人排緊，所以我提議呢位小姐過去嗰邊可能仲快啲…我承認我冇讓俾（畀）呢位小姐，如果因為咁令到佢覺得唔舒服，抱歉！厚唔厚粉？見仁見智啦…不過我真係第一次聽人講天秤座嘅人都好厚粉，又長知識嘞！Have a happy weekend everyone!!」 網民都留言撐他，最難得有人撐他說：「讓係人情，唔讓係道理，全世界得佢一個趕飛機咩，明知飛機唔等人就早啲去機場啦」，他則回應謂：「 我都衰，差啲遲到添！」事實他也有Hashtag「#估唔到飛緊都有是非 #是非比飛機傳得仲快 #下次都係早啲出機場」。