【睇片】怪風吹冧樹 私家車行快一秒即中獎

打風下雨或會出現塌樹情況，但好天氣亦會。有駕駛者昨午駛上天橋時，突然吹起一陣怪風，然後左邊的樹被吹斷塌下攔路。車主只好下車將塌樹搬離車道，無奈地指「日光日白都跌棵樹落黎既（嘅）。」
事發在德士古道迴旋處上荃灣方向的天橋，不少網民認為車主能夠及時剎停車輛是「好彩」，若駛開一秒便會被樹壓到車身，雖然斷枝不算大，但亦會令車身有花痕。有花生友笑言怪風其實是前車的士做成，「前面架的士氣流真係超卓」，「冇運，夠運應該行過左先跌。」
另亦有人指出車主直接下車的做法危險，「你咁落車好危險架」，「 樓主仲行埋去唔驚再冧咩」，因為後面的車或會收制不及導致車禍。

片段來源：小心駕駛群組