顏子菲睇韓片從未喊過 婆婆追問有無男友壓力大

顏子菲出席由韓國導演郭在容執導電影《遇上世界上另一個你》首映禮時，顏子菲自稱為韓片迷，亦曾於台灣睇過兩次韓片《與神同行》，更笑謂自己頗冷血，當時分別跟男、女性朋友入場睇，反而男友人睇到哭泣，自己負責遞交紙巾，另一女性朋友更誇張，由中段喊到尾場，但自己從未喊過，更被朋友笑她難以有男友。
問到會否喜歡韓星？她說：「我鍾意冷門演技派，靚仔覺得太油，會較喜歡大叔型。 (喜歡郭在容這類型？) 我見到簡直暈啦！咁有才華。擇偶方面偏向喜歡成熟男士，最好大過十、八年，不過努力中，婆婆好心急，有時見我社交網站分享相片就問是否男友要帶返去見面，搞到大壓力。」
她坦言，找對象要講緣份，特別在圈中會更加困難，覺得需要有耐性，試過親戚替她心急找對象，但覺得未必適合自己所找的類型。