【片段】山友亂搬海邊大石 被指破壞生態環境

繼有山友被發現在萬宜水庫暢泳，以及颱風逼港期間到山澗遊玩。有山友被發現在海邊亂搬大石，被指對海底棲生物造成影響，破壞生態環境，引起網民討論。

片段上載於Facebook專頁「山野龍咁威」，見到一班中年山友在海邊合力移動一舊大石，眾人聲嘶力竭，又傳出歡呼聲，疑似拍片的女子更拍手叫「再嚟再嚟」，其後五人再次合力移動大石。

專頁負責人指，昨晚凌晨三點，收到市民報料指發現有班行山友亂搬海邊大石，「只係覺得片中人做乜咁無聊，無啦啦咁搬大石，同埋搬舊石啫，何需咁興奮？」他續指，報料人稱亂搬海邊大石，對海底棲生物好有影響，「因為正常咁大舊石，唔會亂咁移動，石底會有底棲生物，移動石頭會破壞佢地生態環境，而長春社每次舉辦活動，都會列明不可亂翻石頭。」

網民都認為片中人士行為無聊，「 一班専門破壞大自然為樂的垃圾」、「好無聊，精力旺盛就去執垃圾啦」、「行山應享受自然生態，為何要摧毀，莫非啲人變態」。