多區滂沱大雨市民「落湯雞」返學返工 鬧爆天文台無發暴雨警告

今早在一號戒備訊號下，大雨滂沱，導致港九新界多區都出現水浸及塌樹，交通大受影響，一眾上班族及學生，叫苦連天，有家長在網上鬧爆天文台，質疑只發雷暴警告，但就無發出暴雨警告，令他們無從適從。

但天文台表示，由於本港並未廣泛性受大雨影響，而暴雨警告信號是全港性的警報系統，當全港廣泛地區落大雨，並超過暴雨警告的雨量指標時，天文台才會發出暴雨警告信號。

天文台在早上8時20分更新新界北部水浸特別報告，錄得超過100毫米雨量，山泥傾瀉警告亦告生效，但就無發出暴雨警告。大批市民要落湯雞趕返學及返工。

大批市民湧上天文台Facebook留言鬧爆：「不知所謂」、「咁都無黃雨？？？？」，更有學生大鬧：「你啲職員係咪火星住，定未update 啲模型」、「落哂狗屎咁…有無諗下d小朋友返學幾狼狽…你地d儀器測室內架?」、「你哋到底幾時掛黑色，褲都濕曬，叫我哋學生點樣返學」。

不過，亦有網民為天文台講好說話：「暴雨警告著眼點係持續性同廣泛性，打風嘅雨可以一下子好大，但雨帶亦行得好快，跟低壓槽可以落好耐嘅本質好唔同。你企喺街十分鐘就算落幾毫米都可以全身濕透，但與黃雨仲有差距。」