不甘被冷落！囝囝出招阻陳建州聽歌

台灣藝人陳建州(黑人)一向都喜歡透過社交網分享生活趣事，而他的一對孖仔「飛飛」及「翔翔」更成為了他社交網的主角。近日黑人上載了一段與飛飛相處的有趣片段。黑人留言話：「飛飛不准我點頭…」片中黑人開大個喇叭聽歌，仲一面聽一面擺動身體點頭，好似聽得非常投入咁。他身後的飛飛最初都有跟著節拍擺動身體，不過飛飛可能覺得爸爸掛住聽歌唔理佢，所以就走上前攬著黑人並用雙手掩著黑人個口，希望整停爸爸。黑人停咗一陣之後又繼續點頭，所以飛飛就走到黑人面前攬著爸爸，並一連錫咗爸爸三啖，不過之後黑人都係繼續點頭聽歌，飛飛都冇晒佢辦法！網友都話這兩父子好搞笑，更大讚飛飛好可愛添！