去銀川旅行充電 陳爽甫靚相晒弗爆身型

2007年度國際中華小姐競選季軍、前TVB女藝人陳爽(Sherry)，在2012年與圈外金融才俊梁梓軒結婚後誕下一子一女，Sherry自此亦淡出娛樂圈，將注意力集中在家庭方面。全職照顧一對子女真係非常忙碌及大壓力，所以間中都要放鬆一下身心，讓自己充充電。Sherry近日就飛咗去內地銀川旅行，而她的一對仔女今次就沒有同行。

難得去旅行咁開心，當然要同網友分享喜悅啦！陳爽在社交網留言話：「坐了一天的飛機，總算都折騰到了。西域風走起吧」並上載了多張靚相。相中見她又騎馬又擺晒甫士咁影相，似乎心情勁靚！身為兩個小孩母親的她依然星味十足，身材仍然弗爆無走樣，難怪相片一甫出即獲網友大讚！