【《深宮計》首播】宮廷晒冷被彈老 童星爆喊超好戲

無綫劇集《宮心計2深宮計》昨晚首播，雖然大堆頭大製作，宮廷戲幾乎晒冷上陣，但有網民就嘲她們的平均年齡都有40歲，成班老戲骨還不及尾聲出場的兩個小童星，分別是飾演周秀娜童年的家姐陳偲穎，和劉心悠童年的妹妹黃雪兒。
劉心悠回想童年時因為家貧，父親病重需要錢治病，飾演媽媽的陳琪就將其中一個女兒賣去有錢人家，代替入宮；家姐最後代揀了肉包的妹妹入宮，陳淇同兩姊妹都喊到好淒涼，特別是阿妹，網民都話：「黃雪兒連個鼻都紅埋，咁細個咁識做戲」、「小妹妹喊戲，我都有流眼淚」。
其實阿妹之前在《幕後玩家》飾演黃宗澤女兒已經被讚可愛又好戲，最重要不作狀。原來黃雪兒幾年前因拍廣告入行，除了拍劇，也拍過幾部電影，包括有《寒戰2》、《賭城風雲3》、《綁架七日情》、《紀念日》等，演戲經驗豐富。