挑戰病人角色 楊埕光頭Look示人

藝人楊埕(Sabrina)真係八足咁多爪，她又拍劇集又拍電影又演舞台劇又拍廣告，真係忙都飛起！近日她就忙於為無綫新劇《白色強人》拍攝，片中她要飾演一個腦部有事並要接受手術的病人，更要戴頭套扮光頭，這個造型對女藝人來說真係好大挑戰㗎！Sabrina近日就拍低除頭套的過程，片中Sabrina話：「總之係有皮嘅地方就真係好似撕塊皮咁樣！」真係隔著個電腦都覺得痛！

另外，Sabrina以這個光頭造型在電視城巧遇長曲髮及齊蔭造型的江嘉敏，Sabrina留言話：「光頭楊埕在TVB街上被公仔版江嘉敏擒獲，其實有人知道甚麼是阿微嗎？」二人更拍了一段片放上社交網添。片中Sabrina笑住咁話認唔到大家，而江嘉敏就指著Sabrina的光頭話：「你睇佢幾靚女！」之後更話：「因為佢本身都係個靚女，所以光頭都靚女。」氹得Sabrina好開心！