[Orange Fest荷蘭四月美食節]今個週末開鑼 市民可體驗荷蘭文化及品嘗地道美食

一年一度的荷蘭四月美食節，Orange Fest於星期五(27日)至星期日(29日)在科學園舉行，現場場面十分熱鬧，備有多個攤位售賣各種荷蘭美食，有大受歡迎的荷蘭鯡魚、青口、生蠔、荷蘭炸肉丸、炸肉捲及一流的鬆脆龍蝦包、安格斯牛肉漢堡和一系列串燒燒烤美食，真係數唔晒!

吃飽飽後又可以去工藝攤位展身手，現場有荷蘭木屐 Painting Workshop，大小朋友可以親手塗畫自己的木屐擺設。亦有專業的Face Painting 和技藝高超的扭氣球團隊為大家製作精彩的Festival Look，仲有小朋友見到就興奮的充氣彈彈床和其他遊樂設施。

要數呃 like 打卡位，就有以荷蘭街景為題的3D背幕，站在指定位置拍攝，效果有如置身荷蘭小巷。仲有本地知名DJ團隊Zentral在場內為大家打碟，一齊嚟 enjoy 這個荷蘭 party！