飛東京旅行充電 許亦妮求得吉籤：好開心呀！

與TVB約滿後，前港姐許亦妮(Whitney，現改名許芷熒)即淡出幕前，接手爸爸生意。話雖如此，Whitney仍會間中在社交網更新近況，讓粉絲知道她的最新消息。原來最近Whitney飛咗去東京旅行，並去到淺草寺求籤，更將求籤的過程拍片放上網與網友分享。

片中見Whitney攞住籤筒好誠心咁搖，十多秒後支籤終於出來，更求到一支吉籤添！她興奮留言話：「去淺草寺雷門循例上都要求返(番)支簽(籤)啦。好開心好開心呀！！求到支非常好嘅吉簽(籤)！」

另外，Whitney亦去了睇櫻花，更在櫻花樹下留影。Whitney留言感謝為她影相的人：「Thank You Bae(多謝寶貝)為了幫我影更靚既(嘅)相…多謝你用心幫我影每張相…每張都顏色和光亮都不用執！Good Job！」不過她就沒有交代這個「Bae」究竟是誰了！