宣布暫別社交媒體 鄧小巧：腦袋太疲勞啦

歌手鄧小巧一向都喜歡透過社交網分享近況並與粉絲交流，今年二月才推出個人第二張專輯《Inner Voice》的她，最近突然在社交網宣布暫別社交媒體。

她留言話：「往後一段時間暫別一下社交媒體，因為我嘅腦袋接受資訊接收得太疲勞啦，我開始唔係好聽到我自己個腦同埋個心嘅聲音。回港更要好好整理自己嘅生活方式同埋生活態度，而且投入新一年嘅project 啦。」

她覺得網絡不可以代替真正的見面及交流：「我知道社交網絡的確係一個好重要嘅渠道佢話俾大家知我做緊咩或者其他人有咩發生，所以變咗我哋用網絡就好似有聯絡有交流咁。但其實有咩不如見面講啦！」

身為歌手的她，當然希望有人欣賞她的音樂，所以她最後亦鼓勵大家去聽她的歌：「同時，我唔覺得我嘅post對大家嘅生活有咩幫助，如果我嘅音樂你喜歡，就去聽我嘅歌啦，各大媒體都有。後會有期 巧」

對於她的決定，粉絲大都表示支持，認為她需要比時間自己停一停讓頭腦清醒一下，粉絲更話好期待她的新作品添！