鄭敬基介紹自家製洗頭水 晒兩公婆出浴片

53歲的鄭敬基（Jeo）與細19歲的麥曉安（Angie）前年結婚，兩人婚後甜甜蜜蜜，相當恩愛。鄭敬基老婆早排自學刮痧，最近仲學埋自製洗頭水，兩公婆更拍出浴片介紹得意傑作。
話說阿Jeo今日在社交網出咗段片，一邊出浴一邊示範鄭太製作的自家製環保洗頭水。除咗阿Jeo本人，就連鄭太亦粉墨登場，不過，不要以為出浴鏡頭好香艷，查實佢哋只拍頭部位置，所以大家都係專心聽鄭太講佢嘅洗頭水啦。
鄭太話，自家製洗頭水可以其他膠樽循環再用，為地球減少一個膠樽，所以好環保。不過，佢哋似乎無教大家點製作環保洗頭水，唔知幾時開班授徒呢？

影片來源:鄭敬基IG