【爆裙遲大到】陳瀅內疚落淚 劉佩玥攬攬安慰

陳瀅跟劉佩玥為化妝品牌活動擔任嘉賓，二人遲遲未現身，大會交代陳瀅因塞車才遲到。約遲到45分鐘的陳瀅解釋接連發生小意外，為此多番道歉，更內疚落淚。她解釋：「我今日經過好多難關先嚟到，我喺尖沙咀過嚟，嚟到有單程路撞車，我放低部車行過嚟。點知條裙後面又爆開咗，叫經理人幫我買裙，但領位拉鏈卡住咗，根本除唔到條裙。唯有除咗胸圍，依家真空，好尷尬又好內疚。」

陳瀅自言出席活動甚少遲到，問到她是否常有這種烏龍事？她笑笑說：「我係有嘅，但未試過一次過發生咁多事。」她透露仍未想到方法解決，下次應帶備鉸剪、針線及多一套衫，以防萬一。