一家三口天倫樂 陳慧珊拖囡囡實地教學

陳慧珊現在有女萬事足！現年47歲的陳慧珊與經理人鍾家鴻於06年在美國秘婚，翌年即懷孕兼暫停演藝工作，囡囡鐘律然轉眼間已經10歲了。雖然有傳鍾家鴻於12年宣布破產時，令陳慧珊要全面復出，但事實上，陳慧珊在香港大學修讀英文碩士，現在更在讀緊博士課程，估計還有3年時間就完成。
陳慧珊透露未來10年都會留在香港，將來有機會希望能在教育方面作貢獻，她亦希望囡囡可以留在香港讀書。她表示：「其實我都就快50歲，又做咗人阿媽， 已經好少角色適合我，既然機會唔搵我，我就要為自己打開另一道門。之前，我寫咗一個電影劇本，內容係我人生嘅藍本，有電影公司好鍾意，連演員我都搵咗；不過，最後因為女主角嘅身體問題，又冇諗過要換人，所以先擱置咗。 」
日前，陳慧珊一家三口就在銅鑼灣現身，曾經說過希望囡囡能從玩樂中學習的陳慧珊在這天，一邊拖着囡囡行街，一路不停向囡囡解釋四周發生的事。不知是否太久沒有幕前出現，當日陳慧珊的打扮土氣十足，一副細小的茶色眼鏡， 令她看上最少大了10年，再加上一件橙色羽絨背心，形象大打折扣。不過，見她拖着住囡囡的幸福樣，一切盡在不言中。