意大利開工 連詩雅罕有晒事業線冧網友

歌手連詩雅(Shiga)近日飛咗去意大利進行拍攝工作，一向喜歡玩社交網的她，連日來都有更新近況並甫出多張靚相。最近Shiga就上載了幾張靚相冧網友，相中的她身穿紅色間條Bra top配上白色長裙，對著鏡頭撥弄秀髮之餘更罕有大晒事業線，非常性感，睇到網友嘩嘩聲！另一張相，Shiga就在品嚐美食，同樣大方地大騷事業線，紅色間條衫與格仔枱布非常配合，畫面真係靚到絕。網友大讚Shiga性感之餘，更指她終於都大過女啦！