上天下海無有怕！糖妹陪媽咪玩轉澳洲

歌手糖妹(黃山怡)不用工作時，喜歡約埋三五知己一齊去旅遊放鬆一下兼搵創作靈感，更經常透過社交網上載旅行的靚相與網友分享。

近日糖妹又出發去旅行了，不過今次不是同朋友一齊去，而是陪媽媽去遊山玩水。她與媽咪一齊飛咗去澳洲度假，更甫了不少靚相與網友分享旅遊的經歷。相片中見到糖妹同媽媽走咗去潛水，二人抱著浮板望著鏡頭影相，似乎玩得相當開心！糖妹留言話：「由於沒看到海豚，只能這樣。但是很近距離見倒海豹。我媽一直忘了踢水，終於她發現，潛水衣是很浮的時候，上水喇！媽呀實驗青春。」

除了潛水之外，活力十足的黃媽媽之後更走去玩Skydive，真係非常有膽色！另一張相見到糖妹影住Skydive的櫃枱，並在上面寫著「I AM OK」，糖妹今次就沒有陪媽媽跳傘啦，不過就在社交網上載了媽媽玩Skydive的短片，並留言話：「MUM，I AM SO PROUD OF YOU!!」