經歷演藝31年最大遺憾 黃德斌：媽媽沒看到我事業有成

已離開無綫的黃德斌，接受奇妙電視節目《是敢的》訪問，經歷演藝31年，德斌直言當日決定加入娛樂圈只為賺錢。他說：「我原本做雜誌模特兒，當年因為林俊賢叫我考入藝訓班，我諗住都係表演啫。我一心想搵多啲錢，但當然結果唔係咁。」德斌當年演動作片為主，自嘲像動作演員，說：「指導叫我由3樓跳落嚟，我唔得就會係第2個上，咁我一定要得啦！」好景不常，他93年約滿電視台，不被續約，繼而轉向幕後發展。他說：「我係非常晴天霹靂，打擊好大，覺得自己已經做生做死，但係都唔要我。不過自己對幕後工作都有好奇心，當時無諗自尊，只希望靠自己對手生存落去。」德斌於幕後工作受盡委屈，但他表示正因為經歷過低潮，才能成就現在的自己。
德斌曾經因演繹角色關係，心情長期處於低位，現在回想起才懷疑當年自己患上抑鬱病，說：「當時無諗自己有病，都無錢睇醫生。但好神奇，有一日起身望到鏡入面嘅自己，心諗咁嘅衰樣唔怪得我唔掂！所以決定振作自己，每日都提自己開心啲！」德斌表示做人要有正能量，要懂得感恩。直至上年，他又決定離開電視台，展開人生第2場。他笑言：「離開係隨心，想試多啲嘢，可能因為我百厭！我唔安於現狀。」談到多年來最大的遺憾，他感歎謂是已去世的母親，說：「我媽媽好鍾意睇電視，所以好鍾意我做娛樂圈，但佢臨走前我嘅事業未有起色。」他自言堅毅力是來自母親，母親對他的叮囑及鼓勵至今仍深深烙印在腦海中。