慶祝結婚十周年 胡蓓蔚放閃：首次約會已被寵壞

單立文與胡蓓蔚10年前拉埋天窗，昨到中環食飯慶祝結婚十周年，胡蓓蔚於Facebook大晒恩愛，開心捉住老公個頭張開口，更指首次約會已被對方寵壞，令自己做到想做的事，每次去旅行老公都問她想去邊，食飯、睇戲亦由她決定，煮完飯他還會洗碗，覺得自己相當幸運。

而單立文亦有回應老婆愛的宣言：「我10年前喺唔清醒嘅情況底下做咗一個決定，今日我已經……，其實結婚真係冇事嘅，人不Marry枉少年，我真係冇後悔呀。」

原來兩公婆並非浪漫撐枱腳，同行的還有好友李施嬅，她亦祝單立文夫婦十週年快樂，「繼續寵壞她。很難得，我是電燈膽，一起甜蜜吧」。