【片段】提醒乘客勿翹腳改善坐姿 港鐵婆婆獲讚用心良苦

不少人坐車時都會翹腳，雖然舒服但對身體不太健康。有網民上載短片，見到一名婆婆於港鐵車廂內，呼籲翹腳乘客切勿翹腳，引起網民討論。有網民讚她用心良苦，亦有網民指婆婆無禮貌，對方若堅持翹腳會被婆婆咒罵。

有網民於Facebook「將軍澳」群組上載影片，見到婆婆在港鐵車廂內，見到有翹腳乘客時，會對他們說：「唔該唔好翹腳呀」。有網民指出，翹腳婆婆多出現於將軍澳、調景嶺一帶，不時會在港鐵見到她，都會提醒乘客切勿翹腳。

不少網民都被婆婆感動，認為她用心良苦，嬌正乘客坐姿，「佢都係想你好啫⋯出於善意的」、「唔使啲腳喺車廂咁迫，又鞋底踏到人地……阿婆都有道理……」、「其實佢都係好心忠告人小心翹腳而坐會有好多不良後遺症啫...例如靜脈曲張；又或者會引發椎間盤突出等問題出現」。

亦有網民指出，曾見過有乘客堅持翹腳，被婆婆咒罵，「唔聽佢講會比佢咒去死，不停地指住你嚟鬧，咁都叫善意」、「當嗰個人不理會佢，佢就表現得非常無禮，甚至橫蠻無理，無論佢出發點係乜，佢語氣及態度完全唔覺得佢有任何善意」。

影片來源：Kelvin Ma