子華鬧完都係咁！ 訂票網瘋狂F5入唔到

黃子華告別棟篤笑《金盆𠺘口》昨日正式以信用卡優先訂票，不過網上罵聲四起，因為大部分網民都未能登入網站，甚至沒反應，有人投訴用了三部電話近千次致電訂票熱線一樣無人接聽。及後竟然傳出有虛假的售票網Whatsapp訊息。子華昨日經己在網上炮轟，「有關部門係咪應該正視？」並澄清自己及團隊也沒有票，卻有「黃牛」竟然因有內部渠道而有飛。
今早9時再進行第二輪的優先訂票，情況較昨日不同，雖然未能登入，但頁面有顯示「非常抱歉! 伺服器擠塞!您未能進入購票系統, 請稍後再次嘗試, 謝謝!」，相較昨日完全沒反應的死機畫面雖然已有改善。但網上又流傳有人「撳到入去，但揀極日子價錢都話無票」，引起網民不滿。

昨日子華經已行動，決定帶頭打黃牛，原本只開17場騷的他更講明會加夠逾20場門票，「我唔休息，當我想賺多啲錢又好點都好，總之搏命做，應該係有唔少嘅飛，希望盡量滿足觀眾。現實中點都有人買唔到飛，希望朋友們體諒。」他再宣佈公售每人限買4張飛，「希望杜絕到黃牛，亦都可以有更加多人睇到。」