周汶錡笑言湊B辛苦但開心 大仔呷細佬醋要扭抱

周汶錡育有兩個可愛的兒子，問到可否過兩招懷孕秘方給想盡快有BB的樂基兒？她大方分享說：「話晒生完兩個，都算有少少經驗，生小朋友的確係開心事。至於懷孕秘方，其實我都係一切正常，不要改變日常生活習慣，我照樣自己駕車出街食飯，唔會比任何規限自己；而且懷孕過程好開心，因為好似公主咁、人人都會讓你，出到街又似皇后，有人扶、有人遷就。但我未講完，湊B過程就好辛苦，尤其係細仔開始企和行，大仔又開始過度活躍，因正是trouble 2階段；我就日日嚮屋企似瘋婦，做一個癲阿媽不停叫唔好咁做呀；並且大仔一歲時由於我無乜經驗、唔係好識同佢玩，現在識得點同細仔玩，但大仔會呷醋得好嚴重，一見我同細佬玩就立即走來扭抱，我只好每次都兩個輪流抱。」周汶錡還爆兩個囝囝不但痴老公多一點，更一見到像父親一樣有鬍鬚的男人就當老豆，即刻走去叫人抱，笑言可能屋企女人多，見到男人特別close。