《街市遊樂團》撇甩滕麗名？單立文慶生得麥包江美儀

2018-03-17 10:59

《街市遊樂團》開播之後成績唔錯，三位主持人江美儀、麥長青（麥包）和滕麗名更多了一起出席活動，三人更合組成「包美麗」，做任何節目都好。不過聽日單立文59歲生日，日前一班圈中老友幫佢慶生，偏偏只見麥包江美儀，而滕麗名就唔見人。
單立文孖埋老婆胡蓓蔚一齊慶祝，仲有《愛．回家之開心速遞》的周嘉洛，而另一位《街市遊樂團》曾經亮相，又做過《愛．回家》隻鬼然後又失蹤嘅顧紀筠兒子陳浚霆（Andrew），亦都有出現喎。
江美儀一身「紅噹噹」，同壽星仔攬頭攬頸影相，成班人玩得好開心，之但係「包美麗」就係少咗個「麗」。
陳浚霆拍《街市遊樂團》做「街童」時，江美儀被網民群起圍插「聲衰格衰乞人憎」，因為話佢講嘢尖酸刻薄又專蝦新人陳浚霆，事後二人都話係節目效果，而家一齊有私下活動，就知佢哋感情唔錯。