On仔偷偷捧《大樂師》場 顏卓靈感動抱抱

顏卓靈（Cherry）昨晚為其主演的電影《大樂師・為愛配樂》到戲院謝票，發現好友C AllStar 的陳健安（On仔）在觀眾席上偷偷捧場時，她非常驚喜，立即興奮拉對方到台前分享觀後感，又與觀眾玩遊戲送電影原著小說和絕版相集。
On仔表示好佩服Cherry為電影苦練鋼琴，而且似模似樣，並說：「呢齣戲有好多唔同元素，喜劇、港式對白、舞蹈、古典音樂、電子音樂……好豐富。依家嘅生活環境和習慣，令人忘記愛就係咁簡單直接，呢部電影好值得支持，帶我回歸返心底最基本嘅感受！」Cherry聞言感動與On仔擁抱。席上一位男Fans看了6次，亦令她好感動，更與對方合唱電影主題曲《沒聽過的歌》，之後全場觀眾一齊做女主角「大力妹妹」手勢影大合照。
即將飛馬來西亞拍戲的Cherry自爆對戲迷「食言」，她說：「原本講咗之前係最後一場謝票，但我真係好掛住愛錫我哋嘅觀眾，好想親口多謝佢哋、同佢哋交流，所以臨飛之前都要再嚟一次謝票，希望人傳人，集合大家嘅力量為咁好嘅電影打氣。」散場後她和On仔再到戲院大堂與捧場觀眾合照和簽名，Cherry更與Fans合唱電影主題曲的廣東話版《沒有人是孤島》，她更親自揸機拍片送給Fans留念，以解她離港時相思之苦。