黎明新寵阿Wing驚爆佗B六個月

天王黎明上周才被爆離婚6年後終於找到第二春，新歡是公司失婚女助手阿Wing，今日再有報道指阿Wing已懷有近6個月身孕，大住個肚繼續自由出入黎明的獨立屋。
有周刊報道，由助手上位任AMusic營業部經理的阿Wing原本每日都返公司掌管大權，幾個月前她被發現開始發福，近月就減少返公司次數，似提早放產假，公司情況由其心腹下屬向她滙報，更指她佗B後更加擺款，黎明卻更愛錫她。挺住大肚的阿Wing被拍到去車行睇新車，及到商場睇BB床及家具等，然後揸車返黎明於上水雙魚河的6千呎獨立屋。