7仔購物唔想畀錢攞多個膠袋 母女與職員大動干戈

油麻地彌敦道483號地下7-11便利店發生膠袋糾紛。凌晨1時多，一對母女到上址光顧，購買包括一支鮮奶等物品，付款時要求多要一個膠袋，職員拒絕，雙方發生爭拗互相推撞，最終3人被捕。

警員接報到場，消息指，該對姓蔡(51歲)及姓廖(27歲)母女，購買樽裝奶等物品，要求多一個膠袋，但又唔想畀錢，職員拒絕，有人爆粗指罵母女，雙方因而發生爭拗，互相推撞毆鬥，糾纏間貨架被推翻、零食雜貨散落地上，一支鮮奶被打爛，另一職員勸止不果報案，

男職員及兩母女均報稱受傷，3人由救護車送院治，3人涉嫌打架被捕。其中母親送院時情緒激動，高呼：「畀錢買嘢仲畀人打！」。

政府於2015年4月全面推行膠袋徵費，根據《產品環保責任條例》，除可豁免收費的情況外，零售商戶售貨時向顧客提供塑膠購物袋須收費，違規商戶會被定額罰款2000元，若有重複或嚴重違規會提出刑事檢控，被定罪最高罰款額10萬元。自2015年4月至去年7月底，環保署到各類零售點巡查逾8.8萬次，向違規商戶發出逾四百張定額罰款通知書，檢控個案有15宗。

環保署條例沒訂明基於食物衞生理由下，可以免費提供膠袋的數量，在有關情況下提供多於一個膠袋，並無違反法例。但商戶及顧客亦不應濫派及濫用膠袋，顧客應盡量自備購物袋。