老婆大肚BB踢肚 林宥嘉摸完話：我肚子也有彈一下

台灣歌手林宥嘉(Yoga)前年向丁文琪 （Kiki）成功求婚，二人去年1月登記結婚，正式成為夫妻，今年仲宣佈老婆丁文琪已佗男B ，預產期在7月！
倆口子就嚟多個家庭成員，成日都好興奮，不停放笑料，而家經已5個月嘅Kiki，不時都感受到BB「踢肚」，前幾日兩夫妻將手放在孕肚上面，咁啱又踢咗一下，當Kiki滿心歡喜老公終於感受到呢個生命嘅微妙之時，Yoga經已話「你確定剛剛那是胎動嗎？因為我剛剛摸我的肚子也有彈一下欸」。網友們都笑Yoga係唔係太肚餓搞到腸胃蠕動過速。

Kiki大爆Yoga嘅「胎動初體驗」，佢話當時「一人一手放在肚皮上等了一會兒，突然間兩個人同時都感覺到兒子很大力地彈了一下」，跟住Yoga就問「是這個嗎？」，回答咗「對阿，今天好幾次了」，Yoga竟然再問「你確定剛剛那是胎動嗎？」Kiki再肯定答了，Yoga就話「因為我剛剛摸我的肚子也有彈一下欸。」Kiki話自己都無言了，而且近日會多加留意先生的腹部有沒有隆起！