【犯禁忌？】去林奕匡喜宴著白裙 Aka被網民鬧爆即道歉

林奕匡（Phil）與李靄璣（Rikko）去年在加拿大註冊結婚，昨日在香港補擺喜酒，眾多圈中好友出席，女子組合Super Girls成員Aka是其中之一。Aka與林氏夫婦開心合照留念，並上載至社交平台，不過身穿白色喱士裙的Aka卻慘被網民鬧爆犯了「婚禮禁忌」，「著白裙去人哋婚禮真係好無禮貌」、「搶新娘子鏡，仲要企喺中間，仲要著白色！好唔識Do」、「搞到好似佢結婚咁」。

有不少網民幫Aka講好說話，「其實我覺得衣著完全無問題，係合照上我覺得避免企中間會好啲」、「最重要係主人家都冇覺得有問題就得」、「冇需要睇嘢咁負面，好小事啫唔使搞到咁大件事，主人家唔介意就冇所謂禁忌」。

一條白色喱士裙引起風波，Aka今日在社交平台道歉，「對不起，真的不知道參加婚宴穿白色會令人有所誤會，已致電Rikko說不好意思，幸好對方也沒在意亦叫我不用放上心，但作為公眾人物下次到別人婚禮會再多留意衣著」。有粉絲再撐Aka，叫她不要太在意，今次只是無心之失。