搵發哥演《英雄本色》電視版？吳雨：錢解決到並唔係問題

吳雨和徐小明出席《電視世界2018》記者會，談及電視劇《英雄本色》，亞視行政總裁吳雨表示會跟北京一間公司合作，現時籌備劇本中，因電影變成電視劇篇幅不同，所以要強化內容。他說：「《英雄本色》是好有吸引力同經典的品牌，所以翻拍需要好故事、內容及演員。依家用國內演員下下要過億，如果有好演員部戲成功了一半，但當然要有好導演同監製，未知幾多製作費，睇下用乜演員。」

問到可會請「Mark哥」周潤發演出？吳雨認為任何事也可能發生，有錢解決到並不是問題，反而找演員最頭痛，要遷就檔期。他說：「同陳偉霆咁熟，以前問佢話拍拍拍，依家要等等先，因為太多劇本擺喺到畀佢揀，驚揀錯，但難怪佢。」他直言挑選演員可兩極化，起用一線演員或者全部以新人演出，正如《神雕俠侶》一樣，又指亞視未來方向會1年拍1套大品牌劇集，亦會有其他劇集。

邵音音早前透露「娃娃影后」李菁的身後事會由徐小明、白雪仙及林青霞負責。徐小明坦言負責對方身後事只是小小心意同關心，初入行做武師已認識李菁，不過大家沒有來往同私交。

問到是否已認領李菁遺體？徐小明說：「我無參與，認領遺體要直屬親人，就算委託人去，都唔可以一堆人去，亦未知喪禮幾時舉行。」