【團拜】胡杏兒為親友炮製碗仔翅 雷子樂孖梁烈唯囡囡賣萌

不少藝人在新年搞團拜，胡杏兒與老公李承德的家人加朋友，夾埋「成村人」在初三開心聚首，胡定欣、黃智雯、林奕匡夫婦、陳智燊、宋熙年等人都有現身。賢妻胡杏兒騷過自製蘿蔔糕，再炮製一大煲足料碗仔翅招呼客人。

田蕊妮與老公杜汶澤亦有邀請朋友到家中食飯，吳業坤、何遠東、唐詩詠、賴慰玲及車婉婉一家三口有食神，食到杜汶澤下廚整的美食。阿田又抱著賴慰玲囝囝Marat合照，笑睡著的Marat「呢個bb飲奶飲醉咗」。

陳敏之開心分享囝囝雷子樂與梁烈唯囡囡Karina的合照，兩位星B齊齊坐在梳化上，敏之寫道：「兩小無猜，以前我們一齊蒲天光，現在我們的小朋友可以一齊成長，到他們長大後可以一齊蒲過 #點解可以咁可愛 #oneyearoldbaby」。陳山聰亦有家訪，抱抱可愛的子樂，自封「舅父」的他祝子樂快高長大、身體健康。