鄺美雲每年必帶愛犬同長者拜年

鄺美雲（Cally）於大年初二帶同愛犬Euro和Bank現身梁球琚敬老之家，與一眾長者拜年，更即場獻唱賀年歌，又大派利是及保暖衣物，氹得長者們笑騎騎。
Cally表示每年到這間老人院，是她感覺溫暖的事，故每年這一日預留探訪長者，雖然愛犬Cash去年底離世，但得囝囝Euro和孫仔Bank承傳下去。她說該老人院的長者會學習音樂，以音樂會友又會不時打麻雀訓練腦筋靈活，所以長者們的外貌感覺好年輕。談到探訪該老人院連續27、8年，Cally坦言一向有到其他老人院探訪，不過堅持這份緣份的原因，因為自小由外婆湊大，雖然外婆離世多年，但見到一眾長者感覺似家人一樣。
提到帶同愛犬Euro和Bank探訪長者，她笑言Bank只有3歲較為扭紋，需要勤上堂訓練，平時她工作忙回家後疲倦，所以返家會跟愛犬傾偈。她說：「我睇返Cash以前勁啲，試倒樹蔥，所以要訓練下牠們。但我返家無話要牠們做甚麼動作。我覺得狗仔好似人仔，但明白我講甚麼，有時會扭計，但都乖的。（會為Bank招親？）自然會有㗎啦！Cash同Euro都係咁，5、6歲緣份就來。」（攝影：朱偉彥）