黎諾懿帶病幫「小春雞」拜年：畀利是呀！

黎諾懿10個月大的囝囝黎峰睿（小春雞）首次跟大家拜年。雖然爸爸諾懿病倒，但亦繼續發揮其搞笑本色，在小春雞的拜年片段中配上字幕及音樂，顯得囝囝份外落力地拜年，非常搞鬼。
今年是小春雞出生後首次過農曆新年，黎諾懿在Instagram出post稱，「初一我有少少唔舒服，所以冇同大家拜年，今日補番！」他上載一段搞笑拜年片段。片中諾懿戴上口罩，全程抱著小春雞，雖然未有在旁指導他講「恭喜發財」，但就配上字幕，加上小春雞不時講BB話，就似足向大家拜年。小春雞在片中表示：「恭喜！恭喜！恭喜！我黎峰睿祝大家呀！！！身體健康，狗年行運，仲有恭喜發財！好嘢！」小春雞最後雖然講到眼瞓，但就不忘伸手提大家「喂！畀利是呀！」