楊丞琳孖好姐妹合照 呻「只剩我沒當媽」

情人節就嚟到，加埋農曆新年隨時又會被問幾時結婚生仔！楊丞琳日前就在網上甫相，原來係同18年前嘅組合4inlove成員兼好姐妹合照，楊丞琳仲hashtag咗一句「只剩我沒當媽」，令人好有興趣知佢係咪想係狗年有行動。
其實楊丞琳同李榮浩熱戀，情人節不成問題，不過情人節當天有工作，兩人就未必一齊過。有傳男友送了咪高峯給她，早曾接受訪問時問佢有否什麼做回禮？她避答道：「都什麼年紀了，還在乎節日！」似乎真係話中有話。二人3年前的1月公開戀情，今年1月6日李榮浩在倫敦開騷，楊丞琳琳順道撐場，仲被網民在倫敦機場捕獲，同穿黑色大衣，十分甜蜜。
不過係咪今年要拉埋天窗呢？最終女事主係fb話「俺事業心很強 而且有你們這群孩子要養 別再催了😎」粉絲們又要等吓先！