【找數真漢子】張敬軒出「廣東碟」：燒畀我嘅Fans

張敬軒曾答應粉絲出廣東碟、國語碟，今年他重新專注音樂事業，上月已推出新歌，向出碟目標邁進。軒仔亦自言2018是「找數年」，日前他做個找數真漢子，更上載片段到社交平台，拍下「找數」過程。今次軒仔「出碟」，一次過出廣東碟同國語碟，行動力爆燈！

不過所謂的「碟」，其實是瓷碟，鬼主意多多的軒仔用心畫瓷碟，畫上「天師靈符」，他搞笑說：「我寫咗出碟成功、出極都有。呢隻碟幾時出好？梗係7月啦，靈界大碟呀！」軒仔在兩隻碟上分別寫上「廣」、「東」，「我唔做呢行咋，我做呢行，一日可以出廿隻碟呀！今日好好寫晒啲碟，再燒畀我嘅Fans。」網民見軒仔寫得一手靚字又識畫花，讚他多才多藝，仲好想要隻碟。